Ein logoped undersøker funksjonen i alle delane av taleapparatet (lepper, kjeve, gane, tunge, strupe og pust). Det blir også undersøkt kor forståeleg talen din er.
Logopeden stiller deg ein del spørsmål om talen din og ber deg om å gjere ulike øvingar for leppene, kjeven, tunga, stemma og pusten. Nokre av øvingane har tidsavgrensing, og då blir det brukt ei stoppeklokke. Logopeden vil også undersøke innsida av munnhola di. Du blir også beden om å gjenta nokre ord og setningar og dessutan å lese nokre ord høgt. Logopeden kan ved behov be om å få ta eit lydopptak av talen din.
Ved behov utfører logopeden fleire undersøkingar. Dei kan vi gjere mens du ligg på sjukehuset. Dersom du har behov for det, vil logopeden lage eit treningsprogram for deg og sørge for at du får vidare oppfølging. Heimreise blir avklart av legen i samråd med det tverrfaglege teamet.